"Моодун" уран сайхны киноны бизнес төлөвлөгөөг бичиж дуусгалаа.Уг бизнес төлөвлөгөөний хүрээнд АНУ, Европ, Ази, Латин Америкийн орнуудын кино зах зээлийг судлан төслийн SWOT шинжилгээ, Benchmarking буюу харьцуулсан судалгаа хийжээ. Харьцуулсан судалгааг Сергей Бодровын "Монгол" кино төсөл, Жанг Имаугийн "Hero" кино төсөлтэй харьцуулан гаргасан нь ихэд сонирхолтой болсон байна.

“МООДУН” уран сайхны кино зохиол олон улсын түвшинд батлагдлаа

2010 оны 05 сарын 21-27-ны хооронд  “МООДУН” уран сайхны кино төслийн ерөнхий найруулагч Г.Бадамрагчаа, Продюсер Б.Батнасан, А. Мөнхболд, орчуулагч Ц. Ариунболд нар Азербажайн улсын нийслэл Баку хотод Оскарын шагналт, нэрт кино зохиолч Рустам Ибрагимбековтой хамтрах ажиллах гэрээ байгуулах ажлын айлчлалыг амжилттай гүйцэтгэн эх орондоо ирлээ.

“Моодун” уран сайхны кино зохиолыг Рустам Ибрагимбеков болон Г.Бадамрагчаа нар хамтран найруулан зохиож дуусгалаа. Уг кино зохиол нь 140 минут үргэлжлэх хугацаатай үйл явдлын өрнөл, тайлал нь олон улсын жишигт нийцэх PG-13 ангилалд багтах Голливуудын схемээр бичигдсэн нь дэлхийн нэрт кино жүжигчдийн анхаарлыг татаж байна.
Мөн “Моодун” уран сайхны кино зохиол болон цаашид кино төсөл дээр хамтран ажиллах талаар нэрт кино зохиолч Рустам Ибрагимбековтай тохиролцон манай кино төслийн уран сайхны удирдагчаар хамтран ажиллах талаар гэрээ байгуулав.

“Их Хүн Гүрэн” байгуулагдсаны 2220 жилийн ойд зориулан бүтээгдэж байгаа уг уран сайхны киног Хүннү угсааны үр сад болох Төв болон Зүүн Европын ард түмнүүд ихэд талархан хүлээж байна.
Манай кино төслийн кино зохиол батлагдсан явдалд Азербажайны төрийн болон кино уран бүтээлчид ихэд сонирхон цаашид дэмжин хамтран ажиллахаа санал болгоод байна.
Уг уран сайхны кино нь олон улсын хамтын бүтээл байх бөгөөд уг киноны ихэнх зураг авалт Монгол улсын нутаг дэвсгэрт явагдах ба киноны бэлтгэл ажлууд ид явагдаж байна.

Тун удахгүй орон нутаг даяар "Моодун" уран сайханы кинонд тоглох жүжигчдийн дүрийн сонголт буюу кастингийн үйл ажиллагаа эхлэнэ.
“Моодун” уран сайхны кино бүтээгдсэнээр ойролцоогоор 1000 гаруй ажлын байр бий болгон, улсад 1,5 тэрбум төгрөгийн татвар төлөгдөхөөр төсөөлөгдөж байна.
Үүнээс гадна биет мөнгөөр илэрхийлэгдэхгүй ач холбогдол бол уг кино дэлхийн кино зах зээлд гаргасанаар эх орноо сурталчлах, улмаар нүүдэлчдийн соёл, урлаг болон гадаад харилцаанд Монгол хүний үнэлэмжийг өсгөх шинэ хуудас нээнэ гэдэгт итгэлтэй байна.

Дэлхийн оюуны сан хөмрөгт шинээр түрэн гарч ирэх Монголын кино урлагийн дээжсийн нэг болох уг уран бүтээлд хувь хүмүүс, бизнес эрхлэгчид идэвхтэй туслан дэмжиж байгаад талархал илэрхийлье.

Кино зохиолч, найруулагч Г.Бадамрагчаа "Моодун" уран сайхны киноны зохиолын 5 дахь хувилбарыг бичиж дуусгажээ. Кино зохиолыг дэлхийн жишигт нийцсэн Final Draft 8.0 программ хангамжийг ашиглан бичсэн байна. Монголын кино урлагт анх удаа кино зохиолыг программ хангамж ашиглан бичиж боловсруулсан нь цаашид кино зохиолыг ашиглан төсөв, төлөвлөгөө боловсруулахад ихэд хялбарчилж өгчээ.